Onte estiven en Lugo e presentei as distintas iniciativas que levo no Programa de Goberno para o Campus de Lugo. Algunhas delas son as seguintes:
Impulsaremos, con especial énfase, o deseño do Campus de Excelencia Agroalimentario (Enxeñaría agroforestal e Veterinaria). Este obxectivo leva aparellado a construción de centros singulares de investigación, o que conleva o deseño dun plan específico.
Crearemos un Centro de Día e a necesaria Gardería para acabar co desequilibrio en materia de conciliación entre a vida familiar e profesional.
Promoveremos un transporte público que una os campus de Santiago e Lugo, a través dunha conexión económica, ecolóxica e sustentable, atendendo así ás lexítimas demandas da comunidade universitaria.
Levaremos a cabo un plan de estabilización do persoal de administración e servizos.
Consolidaremos o Grao de Enxeñaría Industrial e transformaremos Ciencia e Tecnoloxía dos alimentos (que está duplicada en Ourense) en Nutrición e Dietéticas Humanas.
Promocionaremos a finalización das obras da Facultade de Ciencias, trasladando toda a parte de laboratorios, docencia e investigación.
Manteremos o prestixio da homologación da European Association of Establishments for Veterinary Education (EAEVE).
Consolidaremos e afianzaremos o papel do Hospital Clínico Veterinario Rof Codina.
Transformaremos a Escola Universitaria de Formación do Profesorado en Facultade.
Melloraremos a oferta de prazas do sistema SUR e planificaremos as melloras na Residencia Universitaria Bal e Gay.
Melloraremos e ampliaremos a oferta de instalacións deportivas.
SE QUEREDES LER TODAS AS PROPOSTAS PARA LUGO, PODEDES DESCARGAR O PROGRAMA DE GOBERNO, QUE TEN UN APARTADO ESPECÍFICO PARA O CAMPUS DE LUGO.
28 abr 2010
Suscribirse a:
Enviar comentarios (Atom)
No hay comentarios:
Publicar un comentario